Vöruinnhreyfingar

Skráðu móttöku vara frá birgjum gegn innkaupapöntunum og settu þær sjálfkrafa á lager

Vöruinnhreyfingar (móttökuseðlar) skrá móttöku vara frá birgjum. Hver innhreyfing er alltaf tengd innkaupapöntun — þú getur ekki skráð móttöku án þess að velja pöntun. Þegar móttaka er vistuð hækkar birgðastaðan sjálfkrafa fyrir hverja vöru, ný FIFO-kostnaðarlag verða til út frá einingaverði pöntunarinnar, og framvinda móttöku á pöntuninni uppfærist (móttekið að hluta eða að fullu).

Notaðu þessa síðu þegar sending berst frá birgja: veldu pöntunina sem sendingin á við, skráðu hversu mikið barst af hverri línu (má vera hlutasending), og vistaðu. Kerfið heldur utan um hvað er enn ófengið svo þú getur skráð fleiri sendingar á sömu pöntun síðar. Vörulínur án tengdrar vöru (frítextalínur á pöntun) uppfæra framvindu pöntunarinnar en fara ekki á lager.

Aðeins pantanir í stöðunum Sent (SENT), Staðfest (CONFIRMED) eða Hluta móttekið (PARTIALLY\_RECEIVED) sem eru ekki að fullu móttekar (framvinda undir 100%) birtast í valmyndinni þegar ný innhreyfing er búin til. Pantanir í drögum eða fullmóttekar birtast ekki.

Listasíðan. Efst á síðunni eru tvö talningarspjöld: Heildarfjöldi innhreyfinga og Innhreyfingar í þessum mánuði. Undir þeim er leitarreitur og tafla yfir allar skráðar innhreyfingar. Efst til hægri eru hnapparnir Taka á móti með skanna (opnar skannamóttöku í símanum/skannanum) og Ný innhreyfing til að skrá nýja móttöku.

Reitur	Lýsing	Skylda
Innhreyfinganr.	Sjálfvirkt númer á forminu GR-ÁÁÁÁ-NNNNN (t.d. GR-2026-00001). Raðanlegt.	Sjálfvirkt
Pöntunarnr.	Númer tengdrar innkaupapöntunar. Smellanlegur tengill sem opnar pöntunina. Raðanlegt.	Sjálfvirkt
Birgir	Nafn birgjans sem sendinguna sendi (erft frá pöntuninni).	Sjálfvirkt
Móttökudagur	Dagsetning móttöku á forminu DD.MM.ÁÁÁÁ. Raðanlegt.	Sjálfvirkt
Móttekið af	Notandinn sem skráði móttökuna (fullt nafn).	Sjálfvirkt
Fjöldi vara	Fjöldi vörulína á móttökuseðlinum. Miðjujafnað.	Sjálfvirkt
Aðgerðir	Hnapparnir Skoða og Eyða fyrir hverja línu. Eyða er óvirkt á bókaðri innhreyfingu (sjá Eyða innhreyfingu).	—

Leit og röðun. Leitarreiturinn efst („Leita að innhreyfinganúmeri, pöntunarnúmeri eða birgja...") síar töfluna eftir innhreyfinganúmeri, pöntunarnúmeri eða nafni birgja. Hægt er að raða eftir dálkunum Innhreyfinganr., Pöntunarnr. og Móttökudagur með því að smella á dálkahausinn. Sjálfgefið sýnir taflan 10 færslur á síðu, en með síðustærðarveljaranum má breyta því. Neðst stendur „Samtals N innhreyfingar". Smellur á línu (eða á Skoða-augað) opnar innhreyfinguna.

Listinn er einfaldur og hefur enga stöðudálka — móttökuseðlar hafa enga stöðu (drög/staðfest) heldur eru þeir alltaf endanlega bókaðir um leið og þeir eru vistaðir. Öll áhrif á birgðir gerast strax við vistun.

Stækka

Vöruinnhreyfingar með tengdri pöntun, birgja og móttökudegi

Ný innhreyfing — vinnuferli. Smelltu á Ný innhreyfing efst til hægri (eða komdu inn beint af innkaupapöntun með „móttaka" hnappnum þar). Síðan opnast með upplýsingakassa, formi fyrir haus, og — þegar pöntun er valin — spjaldi með pöntunarupplýsingum og töflu yfir vörur til móttöku.

Veldu innkaupapöntun

Í reitnum Innkaupapöntun velurðu pöntunina sem sendingin á við. Valmyndin sýnir pöntunarnúmer, birgja og framvindu, t.d. „PO-2026-0042 - Birgir ehf. (60% móttekið)". Þú getur skrifað til að leita. Aðeins pantanir sem enn geta tekið á móti vörum birtast.

Vörur hlaðast inn

Um leið og pöntun er valin birtist skilaboðið „Vörur úr innkaupapöntun hlaðnar inn" og taflan Vörur til móttöku fyllist með þeim línum sem enn eiga eftirstöðvar (línur sem eru fullmóttekar birtast ekki). Spjaldið Upplýsingar um pöntun sýnir pöntunarnúmer, birgja, pöntunardag, áætlaða afhendingu og framvindu móttöku.

Settu móttökudag

Reiturinn Móttökudagur er sjálfgefið dagsetning dagsins í dag (DD.MM.ÁÁÁÁ). Breyttu honum ef sendingin barst annan dag. Reiturinn er skylda.

Skráðu móttekið magn

Í dálknum Móttaka nú skráirðu hversu mikið barst af hverri línu. Byrjunargildi er 0. Magnið má ekki fara yfir töluna í dálknum Eftir (eftirstöðvar). Til að taka allt í einu smellirðu á Full móttaka efst í hægra horni töflunnar — það setur móttökumagn allra lína jafnt eftirstöðvunum.

Skráðu rakningarupplýsingar (valkvætt)

Fyrir hverja línu má skrá Lotunúmer, Raðnúmer, Lokadag (síðasti söludagur / fyrningardagur) og Athugasemdir. Lotumerkt vara krefst lotunúmers um leið og magn er skráð (annars birtist „Vantar lotunúmer fyrir <vara>"); lotan stofnast sjálfkrafa við móttöku, eða magnið bætist við lotu sem þegar er til með sama númeri. Raðnúmeramerkt vara krefst eins raðnúmers á hverja einingu, aðgreindra með kommu eða línuskilum; hver eining verður að raðnúmeri á lager og fjöldi raðnúmera verður að vera jafn móttekna magninu. Upplýsingarnar nýtast í rekjanleika (lotu-/raðnúmerastjórnun).

Bættu við almennri athugasemd (valkvætt)

Í haus-forminu er reiturinn Athugasemdir fyrir athugasemd sem á við alla móttökuna (t.d. ástand sendingar). Neðst í vörutöflunni sést Heildarmagn til móttöku.

Vistaðu

Smelltu á Vista og skrá vörumóttöku. Kerfið staðfestir að minnst ein lína hafi magn > 0 og að ekkert magn fari yfir eftirstöðvar, býr til móttökuseðilinn, hækkar birgðir, býr til FIFO-lag og uppfærir framvindu pöntunar. Þú færð skilaboðið „Vörumóttaka skráð" og spurninguna „Viltu prenta límmiða fyrir vörurnar sem voru mótteknar?" — veldu Prenta límmiða eða Sleppa. Móttekið magn má hafa í mesta lagi tvo aukastafi.

Reitur	Lýsing	Skylda
Innkaupapöntun	Pöntunin sem móttakan á við. Leitanleg valmynd sem sýnir pöntunarnr., birgja og framvindu.	Já
Móttökudagur	Dagsetning móttöku (DD.MM.ÁÁÁÁ). Sjálfgefið dagurinn í dag.	Já
Athugasemdir (haus)	Frjáls texti sem á við alla móttökuna.	Nei

Vörutaflan „Vörur til móttöku". Hver lína úr pöntuninni sem enn á eftirstöðvar birtist með eftirfarandi dálkum:

Reitur	Lýsing	Skylda
Okkar SKU	Vörunúmer okkar (product SKU). Sýnir — ef frítextalína án tengdrar vöru.	Sjálfvirkt
Birgja SKU	Vörunúmer birgjans (supplier product code) ef það er skráð. Annars —.	Sjálfvirkt
Vara	Heiti vörunnar; fyrir frítextalínur birtist lýsing línunnar í staðinn.	Sjálfvirkt
Pantað	Heildarmagn sem pantað var á þessari línu.	Sjálfvirkt
Móttekið áður	Magn sem þegar hefur verið móttekið á fyrri sendingum (grænt ef > 0).	Sjálfvirkt
Eftir	Eftirstöðvar = Pantað − Móttekið áður (appelsínugult). Hámark þess sem má skrá nú.	Sjálfvirkt
Móttaka nú	Magnið sem barst núna. Byrjar í 0, hámark = Eftir. Skylduaðgerð á minnst einni línu.	Já (≥1 lína)
Lotunúmer	Lotunúmer sendingarinnar. Stofnar nýja lotu við móttöku (merkið „Ný lota stofnast").	Já fyrir lotumerktar vörur
Raðnúmer	Raðnúmer vörueintaka, eitt á hverja einingu (komma eða línuskil á milli).	Já fyrir raðnúmeramerktar vörur
Lokadagur	Fyrningar-/síðasti söludagur (DD.MM.ÁÁÁÁ).	Nei
Athugasemdir (lína)	Frjáls texti fyrir þessa tilteknu línu.	Nei

Hnappurinn Full móttaka (efst í hægra horni vörutöflunnar) merkir allar línur með magni sem samsvarar eftirstöðvunum — hentugt þegar öll sendingin barst óskert. Þú getur svo lækkað einstakar línur handvirkt ef eitthvað vantaði.

Hnappurinn Prenta blað birtist þegar pöntun hefur verið valin. Hann býr til PDF-móttökublað fyrir pöntunina sem hægt er að prenta út og nota við líkamlega talningu á vörulager áður en magn er slegið inn.

Skoða innhreyfingu. Smellur á línu í listanum (eða á Skoða-augað) opnar smáatriðasíðu móttökuseðilsins. Efst er titillinn „Vöruinnhreyfing GR-...". Spjaldið Upplýsingar um innhreyfingu sýnir innhreyfinganúmer, móttökudag, hver móttók, birgja, tengda innkaupapöntun (smellanlegur tengill) og athugasemdir ef einhverjar eru. Spjaldið Vörur sýnir töflu með dálkunum Vörunúmer, Vara, Lýsing, Móttekið magn, Lotunúmer (með raðnúmerum línunnar undir) og Lokadagur. Efst eru hnapparnir Prenta límmiða (límmiðar fyrir mótteknar vörur) og Skoða pöntun. Móttökuseðlar eru ekki breytanlegir eftir vistun (sjá Eyða innhreyfingu hér að neðan).

Opnaðu listann

Farðu á Vöruinnhreyfingar. Notaðu leitarreitinn til að finna réttan móttökuseðil eftir númeri, pöntunarnúmeri eða birgja.

Smelltu á Eyða

Í dálknum Aðgerðir smellirðu á ruslafötu-táknið (Eyða) á línunni. Hnappurinn er óvirkur á bókaðri innhreyfingu og sýnir ábendinguna „Bókaðri vöruinnhreyfingu verður ekki eytt — hún hefur þegar fært vörur á lager".

Staðfestu

Staðfestingargluggi spyr „Eyða vöruinnhreyfingu?". Smelltu á Eyða til að staðfesta eða Hætta við til að hætta. Aðeins innhreyfing án mótekins magns (sem hefur ekki fært neitt á lager) er eyðanleg; þjónninn hafnar eyðingu bókaðrar móttöku.

Móttaka bókast um leið og hún er vistuð og ekki er hægt að eyða henni eftir það — eyðing myndi hvorki taka vörurnar af lager né lækka móttekið magn pöntunarinnar. Ranga móttöku þarf því að leiðrétta með birgðaleiðréttingu (t.d. vörutalningu).

Móttekið magn má aldrei fara yfir pantað magn. Ef samanlagt móttekið (fyrri sendingar + þessi) fer yfir pantað hafnar kerfið vistun með skilaboðum eins og „Móttekið magn (X) fer yfir pantað magn (Y) á vöru: ...". Ef þú fékkst meira en pantað var þarftu að leiðrétta pöntunina fyrst.

Framvindustöður pöntunar. Móttaka uppfærir framvindu tengdu innkaupapöntunarinnar. Framvindan endurspeglast í stöðutaggi pöntunarinnar:

Staða pöntunar	Litur	Merking
Sent / Staðfest	blár / blágrænn	Pöntun tilbúin til móttöku, ekkert móttekið enn (0% framvinda).
Hluta móttekið	appelsínugulur	Hluti af magni móttekinn — framvinda milli 1% og 99%. Enn hægt að skrá fleiri sendingar.
Móttekið	grænn	Allt pantað magn móttekið (100%). Pöntunin birtist ekki lengur í valmynd nýrra innhreyfinga.

Þú getur skráð margar innhreyfingar á sömu pöntun ef vörur berast í fleiri en einni sendingu. Hver móttökuseðill bætir við það sem áður var móttekið þar til pöntunin er fullmóttekin. Dálkurinn Móttekið áður í vörutöflunni sýnir hvað þegar hefur borist.

Áhrif á birgðir og bókhald. Fyrir hverja línu með magn > 0 og tengda vöru gerist eftirfarandi þegar móttaka er vistuð: (1) birgðahreyfing af gerðinni Kaup (PURCHASE) verður til sem hækkar birgðastöðuna, (2) nýtt FIFO-kostnaðarlag verður til út frá einingaverði pöntunarlínunnar svo réttur kostnaður fylgi vörunni við sölu, og (3) móttekið magn pöntunarlínunnar hækkar. Allt gerist í einni gagnagrunnsfærslu (transaction) — annaðhvort tekst allt eða ekkert. Frítextalínur án tengdrar vöru uppfæra aðeins framvindu pöntunar en búa ekki til birgðahreyfingu.

Notendur sem fylgjast með vöru undir „Afhendingar í bið" fá sjálfkrafa tilkynningu þegar varan er bókuð inn með móttöku, svo hægt sé að afgreiða bakpantanir sem biðu eftir birgðum.

Öll móttekin lína er sjálfkrafa samþykkt að fullu (quantityAccepted = móttekið magn, ekkert hafnað). Móttökuseðlar innihalda ekki gæðaskoðunarþrep — allt sem þú skráir sem móttekið fer beint á lager.

Tengdar síður