Bankatengingar

Smelltu á Bæta við tengingu. Glugginn „Ný bankatengingu" opnast. Kennitala fyrirtækis fyllist sjálfkrafa út frá fyrirtækisstillingum og er ekki breytanleg þegar ný tenging er stofnuð.

Veldu Banka úr fellilista (Landsbankinn, Arion banki, Íslandsbanki, Kvika banki eða Annað). PayGo sækir gögn sjálfkrafa frá Landsbankanum, Íslandsbanka og Arion banka; Kvika banki og Annað eru í listanum en tenging við þá sækir engin gögn enn. Sláðu inn Notendanafn og Lykilorð úr netbankanum. Lykilorð er skylda fyrir nýja tengingu. Veljirðu Arion banka birtist borðinn „Sérstakt ferli fyrir Arion banka" (sjá kaflann um Arion hér að neðan).

Settu Tíðni samstillingar (mínútur) — gildi á bilinu 1 til 1440 (sjálfgefið 60). Kveiktu eða slökktu á Sjálfvirk samstilling og Virk með rofunum (Já/Nei).

Smelltu á Prófa tengingu til að staðfesta að notendanafn og lykilorð virki. Ef tenging tekst birtist „Tenging tókst! Þú getur vistað tenginguna núna." Mistakist hún birtist gluggi með villunni frá bankanum („Tenging mistókst", eða „Innskráning í lagi — þjónusta ekki virk" ef innskráningin gekk en þjónustan svarar ekki). Fyrir Arion banka sýnir niðurstaðan merki fyrir hvern hluta: innskráningu („Skilríki og innskráning í lagi"), kröfur og kort („Kröfur og kort virka") og reikningsyfirlit („Reikningsyfirlit virkar", „… virkar ekki" eða „… óprófað").

Við nýja Arion-tengingu er Vista óvirkt („Prófaðu tenginguna fyrst") þar til prófun hefur tekist. Svari reikningsyfirlit ekki en kröfur og kort virka birtist „Tenging tókst að hluta" og má samt vista; ef ekki tókst að sanna að bankinn hafi virkjað þjónustuna birtist „Tenging tókst — athugaðu virkjun" ásamt leiðbeiningum um að hafa samband við bankann.

Smelltu á Vista. Hnappurinn verður grænn og sýnir „Vistað" þegar tekist hefur. Tengingin birtist nú í töflunni.

Smelltu á Samstilla í aðgerðadálki tengingar til að keyra samstillingu strax fyrir þá tengingu (sækir allt — hreyfingar, kröfur o.fl.). Skilaboð sýna „Samstilli við banka…" og svo „Samstilling tókst!".

Notaðu rofann í dálknum Sjálfvirk samstilling til að kveikja eða slökkva án þess að opna gluggann.

Smelltu á Eyða og staðfestu í sprettiglugganum („Eyða bankatengingu?"). Aðgerðin fjarlægir tenginguna.

Bættu við Arion-tengingu á flipanum Tengingar eins og við aðra banka: veldu Arion banki, sláðu inn netbanka-notendanafn og lykilorð fyrirtækisins.

Smelltu á Prófa tengingu. Fyrsta tilraun skilar oft villuskilaboðum um óvirkjuð skilríki („villa 1000") — það er eðlilegt og þýðir að Arion á enn eftir að tengja skilríki PayGo við B2B-notandann þinn.

Hringdu í 444 7000 eða sendu póst á fyrirtaeki@arionbanki.is og biddu um að skilríki PayGo verði tengd við B2B-notandann þinn. Taktu fram að tengingartilraunin (skref 2) þarf að hafa átt sér stað fyrst svo bankinn hafi eitthvað til að virkja.

Þegar bankinn hefur staðfest virkjun skaltu opna tenginguna aftur og smella á Prófa tengingu á ný. Takist hún núna má vista tenginguna og hún er tilbúin til notkunar.

Smelltu á Stofna kröfu í aðgerðadálki. Hnappurinn er aðeins virkur þegar staðan er „Í vinnslu". Krafan er send í innheimtukerfi bankans og staðan „Stofnun kröfu" uppfærist í Tókst eða Villa.

Smelltu á Skoða til að opna gluggann „Ítarupplýsingar um innheimtukröfu". Þar sérðu upphæðir, gjöld (dráttarvextir, vanskilagjald, tilkynningagjald, annar kostnaður, fjármagnstekjuskattur, afsláttur), dagsetningar, stöðu, villuupplýsingar, svar frá banka, færslur frá banka og feril kröfu.

Ef krafan er ekki greidd birtist hnappurinn Breyta stillingum. Þar má stilla Leyfa hlutagreiðslur/innborganir, Eindaga og Reikna dráttarvexti (rofi + prósenta). Smelltu á Vista til að uppfæra kröfuna í bankanum.

Þegar krafa er greidd birtist reiturinn „Lokasöfnun". Ef lokastaða er ekki komin má smella á Sækja lokastöðu núna til að ná í endanlegar upphæðir (vexti, gjöld) frá bankanum. Annars sækir kerfið lokastöðu sjálfkrafa einu sinni á dag, kl. 9:30 (glugginn segir enn „kl. 06:00").

Smelltu á Eyða og staðfestu. Hnappurinn er óvirkur fyrir greiddar kröfur. Krafa sem bíður („Í vinnslu") er aðeins afturkölluð í PayGo; virk krafa er einnig afturkölluð í bankanum. Takist það ekki er hún aðeins afturkölluð í PayGo og skilaboð segja að afturkalla þurfi hana handvirkt í netbankanum.

Afturkölluð krafa fær hnappinn Endurvekja ef bankinn styður aðgerðina (hvorki Landsbankinn né Arion banki gera það; sjá kaflana um bankana hér að ofan). Staðfestu í sprettiglugganum „Endurvekja kröfu"; skilaboðin „Krafa endurvakin í bankanum" staðfesta.

Veldu bankareikning í fellilistanum og stilltu dagsetningabilið. Hreyfingar hlaðast sjálfkrafa fyrir valinn reikning og tímabil.

Smelltu á Sækja hreyfingar til að ná í nýjar færslur úr banka fyrir valið tímabil. Skilaboðin „Samstilling hafin. Hreyfingar birtast eftir smástund." staðfesta og listinn uppfærist eftir nokkrar sekúndur.

Notaðu leitarreitinn til að þrengja niðurstöður og blaðsíðuflettuna neðst (50 færslur á síðu).