Bókhaldstímabil

Kerfið sýnir öll reikningsár sem spjöld, raðað með nýjasta árið efst. Hvert spjald hefur haus með heiti ársins, stöðumerki og dagsetningabili, og undir því töflu yfir mánaðartímabilin tólf. Aðgerðir (loka/opna) eru bæði á ári í heild og á hverju stöku tímabili.

Efst er hausinn með titlinum Bókhaldstímabil (dagatáls-tákn) og til vinstri örvahnappur til baka í bókhaldsforsíðuna. Hægra megin í hausnum er hnappurinn Stofna ár (birtist aðeins ef eitthvað ár vantar sem hægt er að stofna). Á meðan gögn hlaðast birtist beinagrind (skeleton); að því loknu birtast reikningsárs-spjöldin.

Hnappurinn Stofna ár opnar fellilista sem býður aðeins þau ár sem vantar af yfirstandandi ári og tveimur árum þar á undan — það er að segja: yfirstandandi ár, árið á undan og árinu þar á undan (samtals allt að þrjú ár), að frádregnum þeim árum sem þegar eru til. Hafi öll þrjú árin þegar verið stofnuð hverfur hnappurinn alveg. Þar sem yfirstandandi ár verður til sjálfkrafa býður listinn í reynd oftast aðeins árin tvö á undan. Næsta ár er aldrei í listanum — það er búið til sjálfkrafa.

Hvert reikningsár birtist sem spjald. Í haus spjaldsins eru þrjú atriði hlið við hlið: heiti ársins (t.d. „Fjárhagsár 2026"), stöðumerki og dagsetningabil ársins. Hægra megin í hausnum er aðgerðahnappur ársins (Loka ári eða Opna ár, eftir stöðu).

Undir hausnum er tafla yfir mánaðartímabilin. Tímabilunum er raðað þannig að nýjasta tímabilið er efst (Desember efst, Janúar neðst). Taflan hefur sex dálka.

VSK er gerður upp í tvímánaða tímabilum (janúar–febrúar, mars–apríl, maí–júní, júlí–ágúst, september–október, nóvember–desember), svo tveir mánuðir í röð sýna alltaf sömu VSK-stöðu. VSK-tímabil verður læst um leið og VSK-skýrslu þess hefur verið skilað til RSK úr PayGo eða VSK-uppgjör þess hefur verið bókað í fjárhag. Á meðan staðan er sótt stendur „Sæki VSK-stöðu…" í dálkinum.

Þegar bendillinn er yfir merkimiðanum birtist skýring: hvenær tímabilinu var skilað til RSK eða hvenær VSK-uppgjörið var bókað, hvað læsingin stöðvar, hvernig á að aflæsa og tengillinn Opna VSK-síðu, sem opnar VSK-síðuna beint á viðkomandi tímabili.

Til að verja bókfærðar tölur eftir að mánuði er lokið lokar þú tímabilinu. Aðgerðadálkurinn sýnir þá hnappinn Loka (rautt/danger, með lás-tákni). Þegar smellt er birtist staðfestingargluggi.

Ef tímabil er opið en ekki liðið (lokadagur þess er í dag eða síðar — þ.e. yfirstandandi mánuður eða framtíðarmánuður) er Loka-hnappurinn óvirkur (grár, ekki hægt að smella). Þegar bendillinn er yfir honum birtist skýring í tooltip: „Ekki er hægt að loka tímabili sem er ekki liðið".

Þurfir þú að leiðrétta eða bæta við færslu í mánuði sem þegar er búið að loka opnar þú tímabilið aftur. Aðgerðadálkurinn sýnir þá Opna-hnappinn (með upplásar-tákni). Ólíkt lokun er engin skilyrði um að tímabilið sé liðið — hægt er að opna hvaða lokað tímabil sem er.

Þegar heilt reikningsár er liðið og uppgert getur þú lokað því í heild með hnappinum Loka ári í haus spjaldsins (rauður, með lás-tákni). Það lokar öllum tólf mánaðartímabilunum í einu og setur árið sjálft í stöðuna Lokað.

Sé reikningsár lokað sýnir haus spjaldsins hnappinn Opna ár (með upplásar-tákni). Hann opnar árið og öll tímabil þess í einu vetfangi.

Staða tímabils stjórnar því hvort hægt sé að bóka. Þegar reynt er að bóka færslu, greiðslu, bakfærslu eða aðra hreyfingu prófar kerfið dagsetningu færslunnar gegn tímabilinu sem hún fellur í: